Plantun de Prouvènço

Pèr coumpara dos planto d'encò nostre

Vitis riparia x Vitis rupestris & Clypeola jonthlaspi subsp. microcarpa

Lambrusco(-bastardo)

Vitis riparia x Vitis rupestris

Vitaceae

Àutri noum : Trihiero, Vedigagno, Vigno.

Nom en français : Vigne hybride.

Descripcioun :
Aquesto lambrusco, de tèms counfoundudo emé Vitis riparia, se vèi proun en ribo d'aigo, dins li ripisilvo, ounte escalanto d'en pertout. Se recounèis à si fueio quàsi sènso péu dessouto (aleva contro li bifurcacioun di costo) e qu'an tres dènt quàsi paralèlo emé un "sinus" de pecou mens prefouns que la vertadiero Vitis riparia que sèmblo gaire se naturalisa. Es uno bastardo naturalo nascudo en Franço emé de vigno vengudo d'Americo pèr lucha contro lou filóussera. Sarié degudo à la poulinisacioun de V. riparia, "Gloire de Montpellier" pèr V. riparia " dóu Lot".

Usanço :
Coume pèr lis àutri lambrusco, li fueio dèvon èstre vertuouso pèr la circulacioun dóu sang (cambo lourdo e moureno), soun peréu astringènto e diuretico.

Port : Liano
Taio : 0,5 à 4 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Vitis
Famiho : Vitaceae

Ordre : Vitales

Coulour de la flour : Verdo
Petalo : 8
Ø (o loungour) flour : 4 à 5 mm
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Mai à juliet

Liò : Ribiero - Ermas - Ripisilvo
Estànci : Termoumediterran à Coulinen
Couroulougi : Éuroupenco-Sud
Ref. sc. : Vitis riparia x Vitis rupestris Tison, 2014

Clipeolo(-di-pichot-fru)

Clypeola jonthlaspi subsp. microcarpa

Brassicaceae Cruciferae

Nom en français : Clypéole à petits fruits.

Descripcioun :
La clipeolo es uno pichoto erbo de l'an que trachis dins li pelouso roucaiouso e cauquiero. Flouris tre lou mes de mars amé de pichòti flour jauno mistoulino, de regarda à la lùpi. Èi cuberto d'en pertout de péu estela. Se recounèis pamens à sis akène, eliptique dins aquesto subsp., de 1 à 4 mm.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 20 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Clypeola
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : 1 à 1,5 mm
Flourido : Printèms Ivèr

Sòu : Ca
Autour basso e auto : 0 à 1200 m
Aparado : Noun
Mars à mai

Liò : Tepiero roucaiouso - Roucaio - Esboudèu
Estànci : Termoumediterran à Subremediterran
Couroulougi : Eurimediterrano
Ref. sc. : Clypeola jonthlaspi subsp. microcarpa (Moris) Arcang., 1882

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Vitis riparia x Vitis rupestris & Clypeola jonthlaspi subsp. microcarpa

ges

Coumpara Lambrusco(-bastardo) emé uno autro planto

Coumpara Clipeolo(-di-pichot-fru) emé uno autro planto